ਪ੍ਰੈਸ ਰੀਲੀਜ਼

ਕਵੀਨਜ਼ ਡਿਸਟ੍ਰਿਕਟ ਅਟਾਰਨੀ ਮੇਲਿੰਡਾ ਕੈਟਜ਼ ਨੇ NYPD ਦੇ ਅਧਿਕਾਰੀਆਂ, ਫਲੱਸ਼ਿੰਗ ਕਾਰੋਬਾਰੀ ਭਾਈਚਾਰੇ ਦੇ ਮੈਂਬਰਾਂ ਅਤੇ ਚੁਣੇ ਹੋਏ ਅਧਿਕਾਰੀਆਂ ਦੇ ਨਾਲ ਮਿਲਕੇ ਅੱਜ ਫਲੱਸ਼ਿੰਗ ਮਰਚੈਂਟਸ ਬਿਜਨਸ ਇੰਪਰੂਵਮੈਂਟ ਪ੍ਰੋਗਰਾਮ ਦੀ ਘੋਸ਼ਣਾ ਕੀਤੀ ਤਾਂ ਜੋ ਸਥਾਨਕ ਸਟੋਰਾਂ ਵਿੱਚ ਅਤੇ ਇਸਦੇ ਆਸ-ਪਾਸ ਬੇਲੋੜੀ ਸਰਗਰਮੀ ਨੂੰ ਨਿਰਉਤਸ਼ਾਹਿਤ ਕਰਨ ਦੁਆਰਾ ਪ੍ਰਚੂਨ ਵਿਕਰੇਤਾਵਾਂ ਅਤੇ ਖਰੀਦਦਾਰਾਂ ਵਾਸਤੇ ਸੁਰੱਖਿਆ ਵਿੱਚ ਵਾਧਾ ਕੀਤਾ ਜਾ ਸਕੇ। ਇਹ ਪਹਿਲ ਜਮੈਕਾ ਵਪਾਰੀ ਕਾਰੋਬਾਰ ਸੁਧਾਰ ਪ੍ਰੋਗਰਾਮ ਦੀ ਸਫਲ ਸ਼ੁਰੂਆਤ ‘ਤੇ ਅਧਾਰਤ ਹੈ।

ਡਿਸਟ੍ਰਿਕਟ ਅਟਾਰਨੀ ਕੈਟਜ਼ ਨੇ ਕਿਹਾ: “ਅਸੀਂ ਇਸ ਪ੍ਰੋਗਰਾਮ ਰਾਹੀਂ ਵਿਅਕਤੀਆਂ ਨੂੰ ਨੋਟਿਸ ਦੇਵਾਂਗੇ ਕਿ ਵਿਘਨਕਾਰੀ ਅਤੇ ਗੈਰ-ਕਨੂੰਨੀ ਵਿਵਹਾਰ ਨੂੰ ਸਹਿਣ ਨਹੀਂ ਕੀਤਾ ਜਾਵੇਗਾ ਕਿਉਂਕਿ ਵਪਾਰੀ ਰੋਜ਼ੀ-ਰੋਟੀ ਕਮਾਉਣ ਦੀ ਕੋਸ਼ਿਸ਼ ਕਰਦੇ ਹਨ ਅਤੇ ਵਸਨੀਕ ਬਿਨਾਂ ਕਿਸੇ ਡਰ ਜਾਂ ਪਰੇਸ਼ਾਨੀ ਦੇ ਖਰੀਦਦਾਰੀ ਕਰਨ ਜਾਂ ਖਾਣਾ ਖਾਣ ਦੀ ਕੋਸ਼ਿਸ਼ ਕਰਦੇ ਹਨ। ਇਹ ਪਹਿਲ ਉਨ੍ਹਾਂ ਲੋਕਾਂ ਲਈ ਇੱਕ ਰੁਕਾਵਟ ਵਜੋਂ ਕੰਮ ਕਰੇਗੀ ਜਿਨ੍ਹਾਂ ਨੇ ਨੁਕਸਾਨ ਪਹੁੰਚਾਇਆ ਹੈ, ਉਨ੍ਹਾਂ ਨੂੰ ਚੇਤਾਵਨੀ ਦਿੰਦੇ ਹੋਏ ਕਿ ਵਿਸ਼ੇਸ਼ ਦੁਕਾਨਾਂ ਵਿੱਚ ਉਨ੍ਹਾਂ ਦੀ ਮੌਜੂਦਗੀ ਬੇਲੋੜੀ, ਅਣਚਾਹੇ ਅਤੇ ਗੈਰ-ਕਾਨੂੰਨੀ ਹੈ। ਇਸ ਵਿਲੱਖਣ ਪਹਿਲ ਕਦਮੀ ਰਾਹੀਂ ਜਮੈਕਾ ਵਿਚ ਅਸੀਂ ਜੋ ਸਫਲਤਾ ਹਾਸਲ ਕੀਤੀ ਹੈ, ਉਸ ਨੂੰ ਦੇਖ ਕੇ ਕਾਰੋਬਾਰੀ ਮਾਲਕਾਂ ਨੂੰ ਇਸ ਦਾ ਹਿੱਸਾ ਬਣਨ ਲਈ ਕਿਹਾ ਅਤੇ ਅਸੀਂ ਸੁਣਿਆ।

ਯੂ.ਐੱਸ. ਪ੍ਰਤੀਨਿਧੀ ਗ੍ਰੇਸ ਮੇਂਗ ਨੇ ਕਿਹਾ: “ਸਾਨੂੰ ਆਪਣੇ ਭਾਈਚਾਰਿਆਂ ਵਿੱਚ ਸੁਰੱਖਿਆ ਤੋਂ ਕਦੇ ਪਿੱਛੇ ਨਹੀਂ ਹਟਣਾ ਚਾਹੀਦਾ, ਅਤੇ ਇਹ ਨਵੀਂ ਪਹਿਲ ਫਲੱਸ਼ਿੰਗ ਵਿੱਚ ਵਿਘਨਕਾਰੀ ਵਿਵਹਾਰ ਦਾ ਮੁਕਾਬਲਾ ਕਰਨ ਵਿੱਚ ਮਦਦ ਕਰੇਗੀ ਅਤੇ ਇਹ ਸਪੱਸ਼ਟ ਕਰੇਗੀ ਕਿ ਗੈਰ-ਕਾਨੂੰਨੀ ਗਤੀਵਿਧੀਆਂ ਨੂੰ ਸਹਿਣ ਨਹੀਂ ਕੀਤਾ ਜਾਵੇਗਾ। ਸਾਡੇ ਛੋਟੇ ਕਾਰੋਬਾਰਾਂ ਦੀ ਮਦਦ ਕਰਨ ਲਈ ਅਤੇ ਸਥਾਨਕ ਵਸਨੀਕਾਂ ਨੂੰ ਨੁਕਸਾਨ ਦੇ ਰਸਤੇ ਤੋਂ ਦੂਰ ਰੱਖਣ ਲਈ ਸਾਨੂੰ ਲਾਜ਼ਮੀ ਤੌਰ ‘ਤੇ ਉਹ ਸਭ ਕੁਝ ਕਰਨਾ ਚਾਹੀਦਾ ਹੈ ਜੋ ਅਸੀਂ ਕਰ ਸਕਦੇ ਹਾਂ, ਅਤੇ ਖੇਤਰ ਵਿੱਚ ਸੁਰੱਖਿਆ ਵਿੱਚ ਸੁਧਾਰ ਕਰਨ ਲਈ ਇਸ ਕੋਸ਼ਿਸ਼ ਨੂੰ ਸ਼ੁਰੂ ਕਰਨ ਵਾਸਤੇ ਮੈਂ ਜਿਲ੍ਹਾ ਅਟਾਰਨੀ ਕੈਟਜ਼ ਦਾ ਧੰਨਵਾਦ ਕਰਦੀ ਹਾਂ।”

109ਵੇਂ ਅਹਾਤੇ ਦੇ ਕਮਾਂਡਿੰਗ ਅਫਸਰ, ਡਿਪਟੀ ਇੰਸਪੈਕਟਰ ਲੂਰੋਨ ਹਾਲ ਨੇ ਕਿਹਾ: “ਇਹ ਮਹੱਤਵਪੂਰਨ ਪਹਿਲਕਦਮੀ NYPD ਦੀ ਉਹਨਾਂ ਭਾਈਚਾਰਿਆਂ ਅਤੇ ਕਾਰੋਬਾਰਾਂ ਦੀ ਸਹਾਇਤਾ ਕਰਨ ਦੀ ਨਿਰੰਤਰ ਵਚਨਬੱਧਤਾ ਨੂੰ ਅੱਗੇ ਵਧਾਉਂਦੀ ਹੈ ਜਿੰਨ੍ਹਾਂ ਨੂੰ ਅਸੀਂ ਸੇਵਾਵਾਂ ਦਿੰਦੇ ਹਾਂ। ਇਹ ਉਹਨਾਂ ਸਥਾਨਕ ਸ਼ੰਕਿਆਂ ਨੂੰ ਸਰਗਰਮੀ ਨਾਲ ਸੁਣਨ ਦੀ ਝਲਕ ਦਿੰਦਾ ਹੈ ਜਿੰਨ੍ਹਾਂ ਨੂੰ ਸਾਡੇ ਅਫਸਰ ਹਰ ਰੋਜ਼, ਹਰ ਦੌਰੇ ‘ਤੇ ਕਰਦੇ ਹਨ, ਅਤੇ ਉਹਨਾਂ ਖੁਫੀਆ-ਸੰਚਾਲਿਤ ਰਣਨੀਤੀਆਂ ਨੂੰ ਦਰਸਾਉਂਦਾ ਹੈ ਜਿੰਨ੍ਹਾਂ ਨੂੰ ਅਸੀਂ ਜਨਤਕ ਸੁਰੱਖਿਆ ਵਿੱਚ ਸੁਧਾਰ ਕਰਦੇ ਰਹਿਣ ਲਈ ਵਰਤਦੇ ਹਾਂ। ਕਵੀਨਜ਼ ਡਿਸਟ੍ਰਿਕਟ ਅਟਾਰਨੀ ਦੇ ਦਫਤਰ ਵਿੱਚ ਸਾਡੇ ਭਾਈਵਾਲਾਂ ਦੇ ਨਾਲ ਇਸ ਪ੍ਰੋਗਰਾਮ ‘ਤੇ ਇੱਕਸੁਰ ਹੋਕੇ ਕੰਮ ਕਰਨ ‘ਤੇ ਸਾਨੂੰ ਮਾਣ ਹੈ। ਗਰਮੀਆਂ ਦੀ ਪਹੁੰਚ ਦੇ ਨਾਲ, ਅਸੀਂ ਜਾਣਦੇ ਹਾਂ ਕਿ ਇਹ ਸਾਨੂੰ ਸਾਰਿਆਂ ਨੂੰ ਇਕੱਠਿਆਂ ਲੈ ਜਾਵੇਗਾ – ਜਨਤਾ, ਸਾਡੇ ਮਿਹਨਤੀ ਪੁਲਿਸ ਅਧਿਕਾਰੀਆਂ ਦੇ ਨਾਲ ਮਿਲ ਕੇ – ਇਹ ਯਕੀਨੀ ਬਣਾਉਣ ਲਈ ਕਿ ਅਸੀਂ ਸਮੂਹਿਕ ਤੌਰ ‘ਤੇ ਦਰਪੇਸ਼ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਜਾਰੀ ਰੱਖੀਏ।”

ਫਲੱਸ਼ਿੰਗ ਬਿਡ ਦੇ ਕਾਰਜਕਾਰੀ ਨਿਰਦੇਸ਼ਕ, ਡਿਆਨ ਸੋਂਗ ਯੂ ਨੇ ਕਿਹਾ: “ਸੁਰੱਖਿਆ ਸਾਡੇ ਭਾਈਚਾਰੇ ਲਈ ਇੱਕ ਪ੍ਰਮੁੱਖ ਤਰਜੀਹ ਹੈ, ਅਤੇ ਅਸੀਂ ਡਾਊਨਟਾਊਨ ਫਲੱਸ਼ਿੰਗ ਵਿੱਚ ਹਰ ਕਿਸੇ ਨੂੰ ਸੁਰੱਖਿਅਤ ਰੱਖਣਾ ਚਾਹੁੰਦੇ ਹਾਂ। ਇਸ ਪਹਿਲਕਦਮੀ ਦੇ ਨਾਲ, ਅਸੀਂ ਉਮੀਦ ਕਰਦੇ ਹਾਂ ਕਿ ਇਹ ਸਾਡੇ ਭਾਈਚਾਰੇ ਵਿੱਚ ਸਲਾਮਤੀ ਅਤੇ ਸੁਰੱਖਿਆ ਵਿੱਚ ਸੁਧਾਰ ਕਰੇਗੀ ਅਤੇ ਕਾਰੋਬਾਰਾਂ ਦੇ ਵਧਣ-ਫੁੱਲਣ ਵਾਸਤੇ ਇੱਕ ਵਧੇਰੇ ਉਸਾਰੂ ਵਾਤਾਵਰਣ ਨੂੰ ਉਤਸ਼ਾਹਤ ਕਰੇਗੀ।”

ਫਲੱਸ਼ਿੰਗ ਚਾਈਨੀਜ਼ ਬਿਜ਼ਨਸ ਐਸੋਸੀਏਸ਼ਨ ਦੇ ਐਗਜ਼ੀਕਿਊਟਿਵ ਡਾਇਰੈਕਟਰ ਪੀਟਰ ਟੂ ਨੇ ਕਿਹਾ, “ਮੌਜੂਦਾ ਸਮਾਜਿਕ ਵਰਤਾਰੇ ਦੇ ਆਧਾਰ ‘ਤੇ, ਫਲੱਸ਼ਿੰਗ ਮਰਚੈਂਟਸ ਬਿਜ਼ਨਸ ਇੰਪਰੂਵਮੈਂਟ ਪ੍ਰੋਗਰਾਮ ਵਪਾਰੀਆਂ ਲਈ ਬਹੁਤ ਮਦਦਗਾਰ ਹੋ ਸਕਦਾ ਹੈ। ਘਟਨਾ ਵਾਪਰਨ ਦੇ ਬਾਅਦ ਇਸ ਨਾਲ ਨਿਪਟਣ ਨਾਲੋਂ ਇਸਦੇ ਵਾਪਰਨ ਤੋਂ ਪਹਿਲਾਂ ਇਸਦੀ ਰੋਕਥਾਮ ਕਰਨਾ ਨਿਸ਼ਚਿਤ ਤੌਰ ‘ਤੇ ਬੇਹਤਰ ਹੈ।”

ਕੌਂਸਲਮੈਂਬਰ ਸੈਂਡਰਾ ਉਂਗ ਨੇ ਕਿਹਾ: “ਫਲੱਸ਼ਿੰਗ ਵਿੱਚ ਸਾਡੇ ਸਟੋਰਾਂ ਅਤੇ ਹੋਰ ਵਪਾਰਕ ਅਦਾਰਿਆਂ ਵਿੱਚ ਘੁੰਮਣ ਵਾਲੇ ਵਿਘਨਕਾਰੀ ਲੋਕਾਂ ਵਿੱਚ ਨਾ ਕੇਵਲ ਭੰਨ-ਤੋੜ ਅਤੇ ਚੋਰੀ ਵਰਗੀਆਂ ਗੰਭੀਰ ਵਾਰਦਾਤਾਂ ਨੂੰ ਜਨਮ ਦੇਣ ਦੀ ਸੰਭਾਵਨਾ ਹੁੰਦੀ ਹੈ, ਸਗੋਂ ਇਹ ਉਹਨਾਂ ਲੋਕਾਂ ਨੂੰ ਵੀ ਰੋਕਦਾ ਹੈ ਜੋ ਅਸਲ ਵਿੱਚ ਉਹਨਾਂ ਕਾਰੋਬਾਰਾਂ ਨੂੰ ਸਰਪ੍ਰਸਤੀ ਦੇਣਾ ਚਾਹੁੰਦੇ ਹਨ। ਇਸ ਲਈ ਨਾ ਕੇਵਲ ਇਸ ਕਿਸਮ ਦੀ ਸਰਗਰਮੀ ਸੰਭਾਵਿਤ ਤੌਰ ‘ਤੇ ਅਪਰਾਧ ਵਿੱਚ ਵਾਧੇ ਦਾ ਕਾਰਨ ਬਣਦੀ ਹੈ, ਸਗੋਂ ਇਹ ਉਹਨਾਂ ਜਾਇਜ਼ ਗਾਹਕਾਂ ਨੂੰ ਵੀ ਦੂਰ ਕਰ ਦਿੰਦੀ ਹੈ ਜਿੰਨ੍ਹਾਂ ਨੂੰ ਤੰਗ ਕੀਤੇ ਜਾਣ ਦਾ ਡਰ ਹੁੰਦਾ ਹੈ। ਮਰਚੈਂਟਸ ਬਿਜਨਸ ਇੰਪਰੂਵਮੈਂਟ ਪ੍ਰੋਗਰਾਮ ਦਾ ਵਿਸਤਾਰ ਫਲੱਸ਼ਿੰਗ ਤੱਕ ਕਰਨ ਵਾਸਤੇ ਅਤੇ ਜਨਤਕ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਸਾਡੇ ਸਥਾਨਕ ਅਹਾਤੇ ਨੂੰ ਇੱਕ ਹੋਰ ਔਜ਼ਾਰ ਦੇਣ ਵਾਸਤੇ ਮੈਂ ਜਿਲ੍ਹਾ ਅਟਾਰਨੀ ਕੈਟਜ਼ ਦਾ ਧੰਨਵਾਦ ਕਰਨਾ ਚਾਹੁੰਦੀ ਹਾਂ।”

ਰਾਜ ਦੇ ਸੈਨੇਟਰ ਜੌਹਨ ਲਿਊ ਨੇ ਕਿਹਾ, “ਫਲੱਸ਼ਿੰਗ ਮਰਚੈਂਟਸ ਬਿਜ਼ਨਸ ਇੰਪਰੂਵਮੈਂਟ ਪ੍ਰੋਗਰਾਮ ਸਾਡੇ ਛੋਟੇ ਕਾਰੋਬਾਰਾਂ ਦੇ ਮਾਲਕਾਂ ਨੂੰ ਸ਼ਕਤੀਸ਼ਾਲੀ ਬਣਾਏਗਾ ਜੋ ਕੋਵਿਡ-19 ਮਹਾਂਮਾਰੀ ਤੋਂ ਬਾਅਦ ਵਧ ਰਹੇ ਏਸ਼ੀਆ-ਵਿਰੋਧੀ ਨਫ਼ਰਤ ਅਪਰਾਧਾਂ ਅਤੇ ਆਰਥਿਕ ਮੁਸ਼ਕਲਾਂ ਦੇ ਇੱਕ-ਦੋ ਪੰਚਾਂ ਦੇ ਨਾਲ-ਨਾਲ ਆਪਣੇ ਸਟੋਰਾਂ ਦੇ ਅੰਦਰ ਅਤੇ ਆਲੇ-ਦੁਆਲੇ ਅਣਚਾਹੇ, ਵਿਘਨਕਾਰੀ ਵਿਵਹਾਰ ਵਿੱਚ ਵਾਧੇ ਕਾਰਨ ਬਹੁਤ ਲੰਬੇ ਸਮੇਂ ਤੋਂ ਬੇਵੱਸ ਮਹਿਸੂਸ ਕਰ ਰਹੇ ਹਨ। ਇਹ ਪ੍ਰੋਗਰਾਮ ਸ਼ਕਤੀ ਨੂੰ ਸਾਡੇ ਛੋਟੇ ਕਾਰੋਬਾਰੀ ਭਾਈਚਾਰੇ ਦੇ ਹੱਥਾਂ ਵਿੱਚ ਵਾਪਸ ਲੈ ਆਉਂਦਾ ਹੈ, ਅਤੇ ਮੈਂ ਕਵੀਨਜ਼ ਡਿਸਟ੍ਰਿਕਟ ਅਟਾਰਨੀ ਮੇਲਿੰਡਾ ਕੈਟਜ਼, 109 ਪੁਲਿਸ ਅਹਾਤੇ, ਅਤੇ ਫਲੱਸ਼ਿੰਗ ਬਿਡ ਦਾ ਇਹ ਯਕੀਨੀ ਬਣਾਉਣ ਲਈ ਇਕੱਠੇ ਹੋਣ ਵਾਸਤੇ ਤਹਿ ਦਿਲੋਂ ਧੰਨਵਾਦ ਕਰਨਾ ਚਾਹਾਂਗੀ ਕਿ ਸਾਡੇ ਛੋਟੇ ਕਾਰੋਬਾਰਾਂ ਕੋਲ ਉਹ ਸਰੋਤ ਹੋਣ ਜਿੰਨ੍ਹਾਂ ਦੀ ਉਹਨਾਂ ਨੂੰ ਆਪਣੇ ਆਪ ਨੂੰ, ਆਪਣੇ ਸਰਪ੍ਰਸਤਾਂ, ਅਤੇ ਸਾਡੇ ਸਮੁੱਚੇ ਭਾਈਚਾਰੇ ਨੂੰ ਸੁਰੱਖਿਅਤ ਰੱਖਣ ਲਈ ਲੋੜ ਹੈ।”

ਜਿਹੜੇ ਵਪਾਰੀ ਇਸ ਪ੍ਰੋਗਰਾਮ ਵਿੱਚ ਦਾਖਲਾ ਲੈਂਦੇ ਹਨ, ਉਹ 109ਵੇਂ ਅਹਾਤੇ ਨੂੰ ਸੂਚਿਤ ਕਰ ਸਕਦੇ ਹਨ ਜਦੋਂ ਉਹਨਾਂ ਦਾ ਸਾਹਮਣਾ ਕਿਸੇ ਅਪਰਾਧ ਕਰਨ ਵਾਲੇ ਵਿਅਕਤੀ ਨਾਲ ਹੁੰਦਾ ਹੈ ਅਤੇ/ਜਾਂ ਕਿਸੇ ਹੋਰ ਤਰ੍ਹਾਂ ਨਾਲ ਉਹਨਾਂ ਦੇ ਕਾਰੋਬਾਰ ਵਿੱਚ ਵਿਘਨ ਪਾਉਂਦੇ ਹਨ। ਜਵਾਬ ਦੇਣ ਵਾਲੇ ਅਫਸਰ ਸਵਾਲ ਵਿਚਲੇ ਵਿਅਕਤੀ ਵਿਸ਼ੇਸ਼ ਨੂੰ ਇੱਕ ਅਧਿਕਾਰਿਤ ਉਲੰਘਣਾ ਨੋਟਿਸ ਜਾਰੀ ਕਰ ਸਕਦੇ ਹਨ ਜੋ ਉਹਨਾਂ ਨੂੰ ਚੇਤਾਵਨੀ ਦਿੰਦਾ ਹੈ ਕਿ ਉਹਨਾਂ ਦੀ ਲਗਾਤਾਰ ਮੌਜ਼ੂਦਗੀ, ਜਾਂ ਕਿਸੇ ਟਿਕਾਣੇ ‘ਤੇ ਵਾਪਸ ਆਉਣ ਦਾ ਸਿੱਟਾ ਉਹਨਾਂ ਦੀ ਗ੍ਰਿਫਤਾਰੀ ਦੇ ਰੂਪ ਵਿੱਚ ਨਿਕਲ ਸਕਦਾ ਹੈ ਜਾਂ ਹੋਵੇਗਾ।

ਡਿਸਟ੍ਰਿਕਟ ਅਟਾਰਨੀ ਦੇ ਦਫਤਰ ਨੇ ਜੂਨ 2021 ਵਿੱਚ NYPD ਅਤੇ ਜਮੈਕਾ ਕਾਰੋਬਾਰੀ ਭਾਈਚਾਰੇ ਦੇ ਨਾਲ ਭਾਈਵਾਲੀ ਵਿੱਚ ਪ੍ਰੋਗਰਾਮ ਦੀ ਸਿਰਜਣਾ ਕੀਤੀ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਭਾਈਚਾਰਾ ਮਹਾਂਮਾਰੀ ਨਾਲ ਬੁਰੀ ਤਰ੍ਹਾਂ ਪ੍ਰਭਾਵਿਤ ਸਥਾਨਕ ਕਾਰੋਬਾਰਾਂ ਦੀ ਸਰਪ੍ਰਸਤੀ ਕਰਨ ਵਿੱਚ ਸੁਰੱਖਿਅਤ ਮਹਿਸੂਸ ਕਰੇ।

ਮੌਮ-ਐਂਡ-ਪੌਪ ਦੁਕਾਨਾਂ ਤੋਂ ਲੈਕੇ ਵੱਡੇ ਚੇਨ ਪ੍ਰਚੂਨ ਵਿਕਰੇਤਾਵਾਂ ਤੱਕ, ਕੁੱਲ 25 ਸਟੋਰ ਵਰਤਮਾਨ ਸਮੇਂ 103ਵੇਂ ਅਹਾਤੇ ਰਾਹੀਂ ਇਸ ਪਹਿਲਕਦਮੀ ਵਿੱਚ ਭਾਗ ਲੈਂਦੇ ਹਨ।

ਪ੍ਰੋਗਰਾਮ ਦੀ ਸਿਰਜਣਾ ਤੋਂ ਲੈਕੇ, NYPD ਨੇ 23 ਲੋਕਾਂ ਨੂੰ ਗੈਰ-ਕਾਨੂੰਨੀ ਨੋਟਿਸ ਜਾਰੀ ਕੀਤੇ ਹਨ ਅਤੇ ਇਹਨਾਂ ਵਿੱਚੋਂ ਕੇਵਲ ਤਿੰਨ ਵਿਅਕਤੀ ਵਿਸ਼ੇਸ਼ ਹੀ ਸਵਾਲਾਂ ਦੇ ਟਿਕਾਣਿਆਂ ‘ਤੇ ਵਾਪਸ ਆਏ ਹਨ, ਜਿਸਦੇ ਸਿੱਟੇ ਵਜੋਂ ਉਹਨਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ।